තම එකම පුත්‍රයාව පූජා කළ පියා
හදිසියේ ම සංඥා පුවරුවල දෝෂයක් හට ගන්නවා. පාලම ඔසවා තියෙද්දී දුම්රියක් වේගයෙන් පාලම දෙසට ඇදී එනවා. පාලම ඔසවා ඇති බව දුම්රියේ රියදුරු දැන සිටියේ නැහැ. දුම්රිය එන බව පාලම් ක්‍රියාකරු දුටුවේත් නැහැ. මසුන් අල්ලමින් සිටි කුඩා පුතු මෙය දකිනවා. ඔහු මහ හඬින් කෑ ගසා දුම්රිය පැමිණෙන බව පියාට කියනවා. පාලම වහාම පාත් කරන්න කියා ඔහු කෑගසනවා. නමුත් පියාට ඒ බව ඇසෙන්නේ නැහැ. කුඩා පුතු පාලම යටට දුවගෙන ඇවිත් එහි තිබෙන කුඩා ලීවරය ඇද පාලම පාත් කරන්න උත්සහ කරනවා. දුම්රියක නාදය ඇසී පියා හිස ඔසවා බලන විට දුම්රිය එන බව ඔහු දකිනවා. පියා බලන්නේ තම කුඩා පුතු කොහේද කියල. ඒත් ඔහු පේන්න නැහැ. ඔහු කොහේ ගිහිල්ල ද? පියා පුතුට හඬ ගසනවා. ඒත් පේන්න නැහැ. හදිසියේ ම ඔහු දකිනවා පුතා පාලම යට ලීවරය අදින්න උත්සහ කරන බව. ඔහුට එය ඇදගන්න ශක්තියක් නැහැ. කුඩා පුතු පාලම ක්‍රියාකරන යන්ත්‍රය තුළට ඇදගෙන වැටෙනවා තාත්තා දකිනවා. දැන් මොකද කරන්නේ? දුම්රිය පාලම අසලට ම පැමිණිලා. පාලම පහත් කරන ලීවරය ඇද්දොත් පුතා යන්ත්‍රයට අසුවෙලා මැරෙනවා. පාලම පහත් නොකළොත් දුම්රිය ගඟට වැටී විශාල විනාශයක් වෙනවා. එම දුම්රියේ ඒ වන විට මගීන් 400 ක් ගමන් කරමින් සිටියා. ඒ අයගෙන් සමහරු හුඟක් විනෝද වෙමින් සිටිය. සමහරු කල්පනා කරමින් සිටියා. තවත් සමහරු නිදා වැටෙමින් සිටියා. මම දුම්රිය පාලම පහත් කර මිනිසුන්ව බේරගන්නවා ද? නැතිනම් මගේ එකම ආදර කුඩා පුතුව බේරගන්නවා ද? කරන්නේ මොකක් ද? සිත සිතා ඉන්න වෙලාවක් නැහැ. ඉක්මන් තීරණයක් ගත යුතුයි. මේ පියා තම රැකියාවට ආදරය කරපු, තම වගකීම් නිවැරදිව ඉටු කරපු අවංක සේවකයෙක්. ඔහු මොහොතකට තම කුඩා පුතුව අමතක කළා. ඔහු අන් මිනිසුන්ගේ ජීවිතයට මුල් තැන් දුන්නා. දෑස් පියගෙන ලීවරය පහතට ඇද දුම්රිය පාලම පහත් කළා. ඔහු දුටුවා ඔහුගේ පුතු පාලමේ යන්ත්‍රයට හිර වී මිය යනවා.
පාලම පහත් වුණා; දුම්රිය ඉදිරියට ම ඇදී ගියා. ඒත් කවුරුත් මේ පියාගේ ක්‍රියාව දුටුවේ නැහැ. කිසිවෙකුට කිසි ගණනක් නැහැ. “ඇයි මිනිසුනේ නුඹලට පේන්නෙ නැද්ද මගේ පුතා නුඹලා නිසා මැරුණා. මම නුඹලාගේ ජීවිත ගළවන්න මගේ එකම හුරතල් කුඩා පුතුව පරිත්‍යාග කළා. නුඹලාට කිසි ගානක් නැද්ද?" කියා තාත්ත මහ හඬින් වැළපුණා.
දෙවියන් වහන්සේත් තම එකම පුතුව පරිත්‍යාග කළ මේ දුම්රිය පාලම් ක්‍රියාකාර පියා වගෙයි. තම ඒක ජනිත පුත්‍රයාව අප සැමගේ ගැළවීම වෙනුවෙන් පරිත්‍යාග කළා. ඒත් ඒ බව දන්නේ කී දෙනෙක් ද? එය පිළිගන්නේ කී දෙනෙක් ද? “දෙවියන් වහන්සේ ලෝකයාට කොතරම් ප්‍රේම කළ සේක් ද කීවොත් ස්වකීය ඒකජාතක පුත්‍රයාණන් වුව ද ලොවට දෙවා වදාළ සේක. ඒසේ කළේ උන් වහන්සේ කෙරෙහි අදහන සියලු දෙනා ම නොමැරී සදාතන ජීවනය ලබන පිණිස ය." (ජොහාන් 3 : 16)
මෙහි සම්පූර්ණ වීඩියෝව පහතින් නැරඹීමට හැකිය.
මත්ද්‍රව්‍යයට ඇබ්බැහි වූ එක්තරා තරුණ ළඳක් මෙම කුඩා පුතුගේ වියෝව හා එම පියාගේ අභීත පරිත්‍යාගය ගැන අවබෝධ කරගෙන මතින් මිදී සිය ජීවිතය වෙනස් කරගත් අයුරු දෙවන වීඩියෝවේ දැක්වේ. ඇතැම් අය ද දෙවියන් වහන්සේගේ ප්‍රේමයේ බලය පසක් කරගෙන සිය දිවිය වෙනස් කරගෙන දැහැමි වෙති.
Post a Comment